Удзельнікі Народнага рэферэндума звернуцца да Лукашэнкі

Палата прадстаўнікоў не стала выносіць на абмеркаванне прапановы, сабраныя апазіцыянерамі.

“Мы да апошняга дня чакалі рашэння Палаты прадстаўнікоў Нацыянальнага сходу. Аднак дэпутаты не знайшлі ў сабе смеласці нават паставіць пытанне прызначэння рэферэндума на галасаванне”, — гаворыцца ў заяве ініцыятараў “Народнага рэферэндума”.

Цяпер ініцыятары кампаніі прапануюць усім жадаючым звярнуцца да кіраўніка краіны Аляксандра Лукашэнкі з просьбай да канца лютага склікаць пазачарговую сесію парламента і ўсё ж абмеркаваць на ёй магчымасць рэферэндума.

На думку кіраўніка Партыі БНФ Аляксея Янукевіча, калі рэферэндум будзе прызначаны, гэта стане вялікай перамогай апазіцыі. А яго легітымнасць пракантралюе ссам народ, мяркуе Янукевіч: “Калі рэферэндум будзе прызначаны, то яго законнасць пракантралюе сам народ”.

Узор звароту можна знайсці на сайце “Народнага рэферэндума”.

Фота — vitebskspring.org