Удзельнікі галадоўкі выходзілі на Кастрычніцкую плошчу Мінску

Акцыя ў падтрымку экс-кандыдата ў прэзідэнты Беларусі, палітзняволенага Аляксандра Казуліна прайшла на Кастрычніцкай плошчы Мінску. У ёй прынялі ўдзел Сяргей і Аляксандр Скрабцы, а таксама актывістка Аб'яднанай грамадзянскай партыі Таццяна Ваніна. Усе яны ўдзельнічаюць у галадоўцы з патрабаваннем вызвалення Аляксандра Казуліна, Андрэя Кіма і Сяргея Парсюкевіча. З сённяшняга дня распачатая эстафетная галадоўка.

Увечары ў чацвер удзельнікі акцыі выйшлі на Кастрычніцкую плошчу і разгарнулі лозунгі: "Я аб'яўляю галадоўку". Праз тры хвіліны Скрабцы і Ваніна былі вымушаныя сысці, бо гэтага запатрабавалі міліцыянты. Сяргей Скрабец заявіў, што такія акцыі будуць адбывацца штодня, інфармуе БелаПАН.