Удзельнікам ЧС па футболе ў Бразіліі не гарантуюць бяспекі
ФІФА лічыць Бразілію цалкам не гатовай да чэмпіянату свету па футболе, які стартуе 12 чэрвеня.
Чыноўнікі міжнароднай федэрацыі на ўмовах ананімнасці не могуць даць нават мінімальных гарантыяў бяспекі ўдзельнікам турніру, інфармуе Радыё Свабода са спасылкай на замежныя СМІ.
“Усё вельмі і вельмі дрэнна. Нам трэба ўсё пераасэнсаваць, каб не дапусціць такое ў будучыні. Мы не можам даць нават мінімальных гарантыяў бяспекі. Некаторыя стадыёны яшчэ нават не прайшлі тэставыя выпрабаванні пры поўных трыбунах”, — распавёў прадстаўнік ФІФА.
ЧС-2014 пройдзе ў Бразіліі з 12 чэрвеня па 13 ліпеня. За некалькі дзён да пачатку турніру ў Сан-Паўлу назіраюцца вялізныя чэргі па квіткі на матчы.
