У жыхароў Веткі зноў з'явілася вада
Ваду чакалі з ночы / Ілюстрацыйнае фота pixabay.com
У жыхароў горада Ветка ў Гомельскай вобласці зноў з'явілася вада. Напярэдадні камунальныя службы паведамілі пра "аварыйную сітуацыю на адным з аб'ектаў водаканалізацыйнай гаспадаркі", якая здарылася ўначы. Водазабеспячэнне, якое адключылі а 7-й раніцы ў панядзелак, абяцалі аднавіць да вечара — да 20:00. Але ў выніку камунальнікі вырашылі праблему крыху раней, піша vetkagolos.by.
Гэта ўжо другі выпадак за студзень, калі раённы цэнтр у Беларусі апынуўся без водазабеспячэння. У сярэдзіне месяца аварыя была ў Пружанах. Яе ліквідавалі за некалькі дзён.
Верагодная прычына праблем — недафінансаванне ЖКГ Беларусі, бо сродкі ідуць найперш на сілавікоў.
