У жыхара Ліды скралі тысячы долараў, якія ён захоўваў не ў банку, а ў банцы
49-гадовы жыхар Ліды захоўваў свае зберажэнні не ў банку, а ў пластыкавай банцы. Яна стаяла на паліцы ў яго гаражы і працяглы час ніякіх праблемаў не ўзнікала. Але нядаўна валюта знікла: невядомы падабраў ключ ад замка дзвярэй гаража.
Як інфармуе афіцыйны прадстаўнік УУС Гродзенскага аблвыканкама Яраслаў Васілеўскі, у банцы захоўвалася 5500 долараў. Па факце крадзяжу распачатая крымінальная справа.
