У жахлівай аварыі пад Масквой загінулі 6 чалавек, пацярпелі 50 (відэа)
Здарэнне адбылося ў аўторак на чыгуначным перагоне паміж Нара-Фамінскам і Бекасава.
Там сышоў з рэек грузавы цягнік, пры гэтым ён закрануў пасажырскі цягнік Масква — Кішынёў, у якім знаходзілася амаль 400 пасажыраў. Былі пашкоджаныя сёмы і восьмы вагоны. На шчасце, узгарання не адбылося.
Паводле папярэдніх дадзеных, з 50 пацярпелых 15 знаходзяцца ў цяжкім стане (сярод іх трое дзяцей). Паводле звестак МНС Расіі, на месцы загінулі 5 чалавек, яшчэ адзін памёр у бальніцы.
Фота — Reuters і МНС Расіі