У Жабінцы школьнікі вызвалялі свайго таварыша і паранілі нажом вартаўніка
У Жабінцы падлетак параніў нажом вартаўніка закінутай нафтабазы. Здарэнне адбылося яшчэ 9 лютага. Як інфармуе сайт sb.by, трое вучняў восьмага класа спрабавалі патрапіць у адзін з будынкаў, але былі заўважаныя. Вартаўнік схапіў аднаго хлопца і павёў яго ў сваё памяшканне. Двое школьнікаў пайшлі за імі і вырашылі вызваліць таварыша. 13-гадовы хлопец ударыў вартаўніка нажом. Аднак мужчына затрыманага не адпусціў. Больш таго, затрымаў усіх трох падлеткаў і выклікаў міліцыю. Следчы камітэт праводзіць праверку.
Праз два дні пасля таго здарэння ў сярэдняй школе №2 у Стоўбцах дзесяцікласнік учыніў напад з нажом, загінулі настаўніца і адзін з вучняў.
