У Зэльве моладзь ушанавала памяць Ларысы Геніюш
Некалькі дзесяткаў маладых людзей ушанавалі ў Зэльве памяць Ларысы Геніюш, знакамітай беларускай паэткі і дзеяча нацыянальнага руху. Гэтымі днямі ёй споўнілася б 97 гадоў. А 9-й гадзіне ў суботу ў мясцовай Свята-Траецкай царкве прайшло
набажэнства, на якім прысутнічала моладзь з Зэльвы, Гродна, Слоніма,
Свіслачы. Пасля каля помніка Ларысе Геніюш каля праваслаўнага храма
былі ўскладзены кветкі, запаленыя знічкі.
Пазней усе сабраліся каля магілаў Ларысы і Янкі Геніюшаў, чыталіся вершы, былі прамовы. Агулам прысутнічалі каля 50 чалавек.
Пра значэнне асобы Ларысы Геніюш гаворыць удзельнік зэльвенскага ўшанавання, журналіст і грамадскі дзеяч Павел Мажэйка:
“Сёння ў нас не хапае ў палітыкаў, у эліты той мужнасці, сілы волі, адвагі, духоўнасці, якія мела Геніюш… Ларыса Геніюш – гэта тая асоба, якая праз сваё жыццё, праз сваю творчасць пранесла сілу духа”.
Нягледзячы на тое, што акцыя праходзіла пад нацыянальнай сімволікай, праваахоўнікі яе правядзенню не перашкаджалі.
Пазней усе сабраліся каля магілаў Ларысы і Янкі Геніюшаў, чыталіся вершы, былі прамовы. Агулам прысутнічалі каля 50 чалавек.
Пра значэнне асобы Ларысы Геніюш гаворыць удзельнік зэльвенскага ўшанавання, журналіст і грамадскі дзеяч Павел Мажэйка:
“Сёння ў нас не хапае ў палітыкаў, у эліты той мужнасці, сілы волі, адвагі, духоўнасці, якія мела Геніюш… Ларыса Геніюш – гэта тая асоба, якая праз сваё жыццё, праз сваю творчасць пранесла сілу духа”.
Нягледзячы на тое, што акцыя праходзіла пад нацыянальнай сімволікай, праваахоўнікі яе правядзенню не перашкаджалі.
