У Японіі 31-гадовая тэлевядучая памерла з-за звышурочнай працы
У Японіі 31-гадовая тэлевядучая Міва Сада памерла з-за звышурочнай працы. Карпарацыя, у якой яна працавала, прызнала гэта толькі праз чатыры гады пасля яе смерці.
Як піша The Guardian, прычынай смерці лекары назвалі сардэчную недастатковасць. Тэлевядучая ў перыяд мясцовых выбараў за месяц адпачывала толькі 2 дні, яна адпрацавала 159 гадзін звыш нормы. Атрымліваецца, што працоўны дзень жанчыны працягваўся 12 гадзін.
Міва Сада памерла ў сваім ложку праз тры дні пасля аб’яўлення вынікаў выбараў у асамблею сталіцы Японіі. У яе руках быў тэлефон. Карпарацыя, у якой працавала жанчына, заявіла, што раней не агучвала гэтую інфармацыю з павагі да пачуццяў сваякоў памерлай тэлевядучай.
