У вызваленай Балаклеі ўкраінцы знайшлі запасны камандны пункт расіян
Запасны камандны пункт абсталявалі ў адным з будынкаў / https://www.facebook.com/dbr.gov.ua/
На ўскраіне вызваленай Балаклеі ў Харкаўскай вобласці ўкраінцы знайшлі запасны камандны пункт расіян. Там у замаскаваным падвале знаходзіўся цэлы арсенал боепрыпасаў — дзясяткі скрынь снарадаў, мін, гранат, піша Дзяржаўнае бюро расследаванняў Украіны.
Пад запасны камандны пункт быў абсталяваны адзін з будынкаў. Там выявілі і запас прадуктаў, якія расійскія акупанты забіралі ў мясцовых жыхароў. Былі пакінутыя і дзве бронемашыны з боекамплектам. Усё гэта перадалі аднаму з падраздзяленняў Узброеных сіл Украіны.
https://www.facebook.com/dbr.gov.ua/
Этот и следующие снимки — t.me/DBRgovua
