У Вільні судзяць беларускага добраахвотніка, якога вінавацяць у смерці пабраціма
![Суд у Вільні](/sites/default/files/styles/gallery_main/public/2023-11/vilnia-0911.jpg.webp?itok=O8pQ0a67)
Суд у Вільні / svaboda.org
У акруговым судзе Вільні пачаўся суд над беларускім добраахвотнікам, якога вінавацяць у смерці пабраціма. Па просьбе маці загінулага суд зрабілі закрытым на першым жа пасяджэнні, перадае Радыё "Свабода". Жанчына застаецца ў Беларусі і баіцца, што яе могуць затрымаць, калі будуць абнародаваныя некаторыя падрабязнасці.
Трагічнае здарэнне адбылося 18 снежня 2022 года ў Вільні. Паводле следства, былы баец палка Каліноўскага нажом забіў свайго пабраціма. Абвінавачанаму пагражае ад 7 да 15 гажоў зняволення. Сваёй віны ён не прызнае.
Беларус кажа, што ягоны знаёмы скончыў жыццё самагубствам, а сам ён спрабаваў дапамагчы яму.
Экс-каліновец прабыў восем месяцаў пад арыштам, трымаў галадоўку, бо не пагаджаўся з выстаўленым абвінавачаннем і патрабаваў правесці экспертызу на паліграфе. У жніўні яму змянілі меру стрымання: дазволілі жыць дома з адмысловым бранзалетам сачэння, але абвінавачанне не знялі.
Працэс адновіцца 28 лістапада. На 8 снежня прызначаны допыт сведкаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.