У Вільні паказалі раней невядомы партрэт Вітаўта Вялікага (фота)
Карціну ў пачатку XVI стагоддзя напісаў невядомы нямецкі мастак.
На мініяцюры — вялікі князь літоўскі Вітаўт Вялікі і яго жонка Ганна. Віленскі Палац валадароў купіў яе на аўкцыёне ў Вялікабрытаніі за 50 тысяч долараў. Гісторыкі кажуць, што выява Вітаўта — адна з самых старажытных, але наўрад ці яна адпавядае сапраўднай знешнасці валадара ВКЛ — мастак выканаў яго так, як уяўляў сабе.
Гісторыкі адзначаюць, што і праз 100 гадоў пасля смерці Вітаўта Вялікага пра яго памяталі ў Еўропе, змяшчалі яго партрэт разам з выявамі іншых валадароў краін Еўропы.
Фота — Delfi
