У Венесуэле дэманстранты закідваюць паліцыю фекаліямі
У Каракасе дэманстранты закідваюць спецназ шклянымі бутэлькамі з фекаліямі. Гэтую зброю яны празвалі "кактэйлямі Какетава", піша nn.by.
У адказ урадавыя СМІ абвінавацілі апазіцыю ў парушэнні міжнародных канвенцый аб хімічнай і бактэрыялагічнай зброі.
Антыўрадавыя пратэсты ў Венесуэле не сціхаюць ад пачатку красавіка. У сутычках з паліцыяй загінулі ўжо 38 чалавек з абодвух бакоў.
Пратэстоўцы патрабуюць адстаўкі прэзідэнта Нікаласа Мадура, вінавацячы яго ў некампетэнтнасці. Мадура ў адказ хоча пазбавіць паўнамоцтваў парламент, дзе пераважаюць апазіцыйныя сілы.
