У Варшаве паліцыя затрымала мужчыну, які пабіў беларуску
![Затрыманы ў варшаўскай паліцыі](/sites/default/files/styles/gallery_main/public/2024-09/gxqiskdw0aad4j6.jpg.webp?itok=qGQJfIM2)
Затрыманы ў варшаўскай паліцыі / x.com/Policja_KSP/
У Варшаве паліцыя затрымала мужчыну, які пабіў беларуску. Гэта 38-гадовы грамадзянін Украіны. Яму пагражае да двух гадоў зняволення.
Украінец напаў на 33-гадовую беларуску ў цэнтры польскай сталіцы 5 верасня. Ён ехаў на ровары і пабачыў, як яна гуляе з сабакам па пешаходнай дарожцы. Ударыў яе ў твар і абразіў. Паліцэйскія тады нечакана хулігана адпусцілі.
Пасля таго, як беларуска напісала пра здарэнне ў сацсетках, гэтая гісторыя стала рэзананснай. Пацярпелая піша, што пасля нападу ў яе праблемы са здароўем.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.