У тралейбуса падчас руху адарваліся колы (фота)

Заднюю пару колаў з невядомай прычыны адарвала ў тралейбуса ў Мінску. Здарэнне адбылося ў панядзелак, 1 снежня, у мікрараёне Каменная Горка. Тралейбус пры гэтым рухаўся.

Як інфармуе сайт onliner.by, колы пераадолелі некалькі метраў і сутыкнуліся з легкавіком, які стаяў. Пацярпелых няма. Аўтамабіль атрымаў невялікія пашкоджанні.

У ДАІ адзначылі, што здарэнне адбылося ў момант, калі няспраўны тралейбус быў на буксіры.

Фота — Twitter