У Сяргея Скрабца спрабуюць апісаць маёмасць, якую раней канфіскавалі

Маёмасць, якую ўжо апісвалі і канфіскоўвалі тройчы, спрабуюць апісаць у Сяргея Скрабца, кіраўніка аргкамітэта па стварэнні Беларускай сацыял-дэмакратычнай партыі (Свабода).
Палітыка выклікаў следчы Ленінскага РУУС Мінска, які пагражаў зрабіць Скрабца невыязным. "Дык я і так невыязны", — адказаў Сяргей Скрабец.

Як адзначае "Беларускі партызан", Скрабец — беспрацоўны. Паўсюль яму адмаўляюць ва ўладкаванні на працу, удаецца толькі часова папрацаваць. Раней ён адсядзеў па абвінавачванні ў выманьванні крэдытаў. Сяргея Скрабца рэгулярна выклікаюць сілавыя структуры ў надзеі яшчэ штосьці канфіскаваць.