У Шры-Ланцы маладзёнаў затрымалі за хабар кардоннаму паліцыянту
![У Шры-Ланцы маладзёнаў затрымалі за хабар кардоннаму паліцыянту](/sites/default/files/styles/gallery_main/public/2023-08/shry.jpg.webp?itok=FztwzcBQ)
У Шры-Ланцы затрымалі дваіх 23-гадовых хлопцаў за відэаролік, удзельнікам якога стаў кардонны паліцыянт. На роліку бачна, як адзін з хлопцам падыходзіць да выявы праваахоўніка, пастаўленай пры дарозе, і робіць выгляд, што дае яму грошы.
Паліцыя затрымала і героя відэа, і аператара. Пазней абодвух хлопцаў адпусцілі пад заклад. У паліцыі сцвярджаюць, што кардонная фігура была пашкоджаная.
Гэта не першая справа, заведзеная за “камунікаванне” ланкійцаў з нядаўна расстаўленымі абапал дарог фігураў паліцыянтаў, перадае ВВС. Некалькі месяцаў таму арыштавалі дваіх маладзёнаў, якія знеслі кардоннага паліцыянта дадому.
Іх затрыманне выклікала гнеў у сацыяльных сетках. Многія карыстальнікі сцвярджалі, што пасыл роліка — антыкарупцыйны.