У Шчэціне аўтамабіль наехаў на натоўп людзей, шмат параненых

1 сакавіка ў Шчэціне легкавы аўтамабіль Ford наехаў на натоўп людзей, якія былі на пешаходным пераходзе. Мясцовыя ўлады паведамляюць пра 19 параненых, сярод іх непаўналетніх. У многіх пацярпелых цяжкія траўмы. Сведкі кажуць, што збітых людзей ад ўдару падкінула ў паветра на некалькі метраў.

Паліцыя затрымала кіроўцу, які з месца здарэння з'ехаў і яшчэ сутыкнуўся з чатырма машынамі (там таксама былі пацярпелыя). Гэта 33-гадовы мужчына. Матывы яго ўчынку пакуль невядомыя.