У сектары Газа падземны комплекс ХАМАС упершыню выявілі пад могілкамі
![Тунэлі былі знішчаныя ізраільцянамі](/sites/default/files/styles/gallery_main/public/2024-01/333334.jpg.webp?itok=jvsn-sTb)
Тунэлі былі знішчаныя ізраільцянамі / idf.il
У сектары Газа падземны комплекс ХАМАС упершыню выявілі пад могілкамі. Ён знаходзіцца на глыбіні 20 метраў і мае працягласць больш за кіламетр. Раней ізраільскія вайскоўцы натраплялі на тунэлі пад бальніцамі, навучальнымі ўстановамі, мячэцямі, жылымі дамамі.
ЦАХАЛ паведамляе, што падземныя тунэлі і сховішчы знайшлі ў горадзе Хан-Юніс на поўдні сектара. Актыўнасць тэрарыстаў у раёне могілак зафіксавалі беспілотнікі. Далей працавалі наземныя войскі. Яны знайшлі ў тунэлях узброеных тэрарыстаў, якія былі знішчаныя, а таксама самаробныя выбуховыя прылады. Там быў бункер для высокапастаўленых камандзіраў ХАМАС, казармы і іншыя памяшканні. Тунэлі былі знішчаныя ізраільцянамі.
![У сектары Газа падземны комплекс ХАМАС упершыню выявілі пад могілкамі](/sites/default/files/styles/default_image_paragraph/public/paragraphs/image/221_8.jpg.webp?itok=Qxwq6mKt)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.