Беларус загінуў у Ізраілі, калі раніцай дрон атакаваў Тэль-Авіў
Тэль-Авіў / Erik Marmor/AP
Грамадзянін Беларусі загінуў падчас атакі беспілотніка па сталіцы Ізраіля Тэль-Авіве, піша Tochka.by са спасылкай на беларускае МЗС.
Яшчэ як мінімум 10 чалавек атрымалі лёгкія раненні пры выбуху, які адбыўся ў Тэль-Авіве ў пятніцу раніцай, піша ВВС.
Ізраільскія вайскоўцы заявілі, што паводле звестак папярэдняга расследавання выбух выклікала падзенне "паветранай цэлі". З-за чалавечай памылкі цэль не перахапілі сродкі СПА.
Адказнасць за напад узялі на сябе еменскія паўстанцы-хусіты.
