Вы тут

У Рыме паліцыя затрымала беларуску, якая купалася ў гістарычным фантане

Ілюстрацыйнае фота / Reuters

У Рыме паліцыя затрымала беларуску, якая купалася ў гістарычным фантане на плошчы П'яцца дэль Попала, інфармуе wantedinrome.com. Яе не толькі аштрафавалі, але і забаранілі на 48 гадзін набліжацца да гэтага месца. Адзначаецца, што турыстка з Беларусі купалася ў фантане "Багіня Рыма", пабудаваным амаль 200 гадоў таму. Вядома, што жанчыне 41 год.

Раней улады італьянскай сталіцы папярэджвалі турыстаў, што не дапусцяць пераўтварэння гістарычных фантанаў у басейны — у спякотныя дні ў іх можна было пабачыць і дзяцей, і дарослых.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.