У расійскім горадзе гарэў 10-павярховы жылы дом (фота)
Здарэнне адбылося ўвечары ў панядзелак у Ніжнім Ноўгарадзе.
Шматпавярховы дом загарэўся на вуліцы Блахіной. Як паведамляе РІА "Новости", агнём былі ахопленыя не менш за сем паверхаў жылога дома. Не ўсіх людзей адразу ўдалося эвакуяваць, некаторыя жыхары з вокнаў і балконаў прасілі аб дапамозе.
Пажарныя машыны, якія прыбылі на месца здарэння, не маглі адразу пад'ехаць да будынка — ім перашкаджалі ланцугі і бетонныя слупы, якімі аўтаўладальнікі самачынна агарадзілі месцы для паркоўкі.
Пажар удалося лакалізаваць. Паводле папярэдняй інфармацыі, дадзеных пра ахвяраў і пацярпелых няма.
Фота — ria.ru
