У Расіі жанчыну затрымалі за антываенны надпіс на дзвярах кабінкі прыбіральні
У Расіі ўзмацняецца кантроль за грамадзянамі / Ілюстрацыйнае фота pixabay.com
У Расіі жанчыну затрымалі за антываенны надпіс на ўнутраным баку дзвярэй кабінкі прыбіральні ў гандлёвым цэнтры, піша @bazabazon. Як паліцыя высветліла, што яго пакінула менавіта яна, застаецца таямніцай. Найхутчэй яе вылічылі па відэазапісе.
Надпіс з'явіўся ў жаночай прыбіральні ў адным з гандлёвых цэнтраў у горадзе Касімаў Разанскай вобласці 28 студзеня. Ужо праз два дні паліцэйскія прыйшлі да мясцовай жыхаркі 44-гадовай Юліі Варакушынай (на здымку знізу). На яе склалі пратакол аб адміністрацыйным правапарушэнні па артыкуле пра "дэскрэдытацыю" Узброеных сіл РФ. Жанчыне пагражае штраф — каля 700 долараў.
Пра змест надпісу ўдакладняе @astrapress: "Пуцін — забойца, войскі вяртайцеся дахаты".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.