У пяці мінскіх школах шукаюць выбухоўку

А 15-й гадзіне 3 лютага невядомыя паведамілі пра мініраванне пяці ўстаноў адукацыі ў Першамайскім раёне Мінска — гімназій № 2, 11, 38, гімназіі-каледжа мастацтваў імя І. Ахрэмчыка, школы № 203. Паведамленне прыйшло ананімна на электронную пошту, паведамляе прэс-служба мінскай міліцыі.

На месца выбылі супрацоўнікі міліцыі, была праведзеная эвакуацыя. Працуюць сапёрна-піратэхнічныя групы.

Дарэчы, на мінулым тыдні аналагічныя ананімныя паведамленні паступілі наконт двух універсітэтаў — БДУ і БДУІР. Там выбуховых прыстасаванняў выяўлена не было.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.