У Пружанскім раёне ў аварыі з удзелам аўтобуса загінулі тры чалавекі
![На месцы аварыі](/sites/default/files/styles/gallery_main/public/2024-08/11.jpg.webp?itok=vaTQNr3N)
На месцы аварыі / t.me/pressmvd/
У Пружанскім раёне Брэсцкай вобласці ў аварыі з удзелам аўтобуса загінулі тры чалавекі. Як паведамляе МУС, трагічнае здарэнне адбылося ў сераду каля 07:15. Кіроўца мікрааўтобуса Mercedes-Benz, рухаючыся па другараднай дарозе, не саступіў дарогу аўтобусу МАЗ, які ехаў па галоўнай дарозе. У выніку адбылося сутыкненне. Аўтобус, у салоне якога знаходзіліся 12 чалавек, перакуліўся.
У выніку ДТЗ загінуў 24-гадовы кіроўца Mercedes і два пасажыры аўтобуса (45-гадовы мужчына і 17-гадовая дзяўчына), яшчэ 10 пасажыраў знаходзяцца ў бальніцы. Крымінальную справу распачалі па артыкуле "парушэнне правілаў дарожнага руху, якое пацягнула па неасцярожнасці смерць двух або больш асоб".
![У Пружанскім раёне ў аварыі з удзелам аўтобуса загінулі тры чалавекі](/sites/default/files/styles/default_image_paragraph/public/paragraphs/image/12_69.jpg.webp?itok=G5tYUPef)
![У Пружанскім раёне ў аварыі з удзелам аўтобуса загінулі тры чалавекі](/sites/default/files/styles/default_image_paragraph/public/paragraphs/image/14_32.jpg.webp?itok=UI2cpPEB)
![У Пружанскім раёне ў аварыі з удзелам аўтобуса загінулі тры чалавекі](/sites/default/files/styles/default_image_paragraph/public/paragraphs/image/13_42.jpg.webp?itok=F4RjICE4)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.