У пракуратуры ў Віцебску сапёры шукалі бомбу

25 чэрвеня ў пракуратуры ў Віцебску сапёры шукалі бомбу. Як паведамляе прэс-служба мясцовай міліцыі, паведамленне пра выбуховае прыстасаванне прыйшло на электронную пошту пракуратуры. На месца прыбылі міліцыянеры, будынак ачапілі.

Сапёры абследавалі будынак і прылеглую тэрыторыю, аднак нічога небяспечнага не знайшлі. Працуе следча-аператыўная група.