У працы Telegram увечары 6 чэрвеня адбыўся глабальны збой

Лога Telegram

Увечары 6 чэрвеня карыстальнікі Telegram сталі скардзіцца на збой у працы прыкладання. Праблемы назіраліся па ўсім свеце. У месенджар было немагчыма ўвайсці, а ў тых, у каго атрымлівалася залагініцца, не падгружаліся карцінкі і не адпраўляліся паведамленні.

На памылку скардзіліся жыхары Беларусі, Украіны, Расіі, шэрагу еўрапейскіх краін, ЗША і Турцыі.

Апоўначы па мінскім часе каманда Telegram паведаміла, што ў курсе праблем з доступам да месенджара і працуе над аднаўленнем яго функцыянавання. Неўзабаве прыкладанне стала працаваць карэктна.

Папярэднія маштабныя збоі ў працы "Тэлеграма" па ўсім свеце здарыліся ў красавіку 2018 года. Тады ў Расіі ўлады паспрабавалі заблякаваць месенджар па рашэнні суда. Аднак гэтыя спробы не мелі поспеху.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.