У Польшчы затрымалі беларуса, які перавозіў семярых мігрантаў

У польскім Галдапе ў Вармінска-Мазурскім ваяводстве памежнікі затрымалі 38-гадовага беларуса, паведамляе radioolsztyn.pl.

У яго машыне ехалі сямёра нелегальных мігрантаў: пяць грамадзян Афганістану, двое — Сірыі. Памежнікі ўсіх арыштавалі.

Беларусу пагражае да васьмі гадоў зняволення за дапамогу ў арганізацыі незаконнага перасячэння мяжы.

Па звестках польскіх памежнікаў, мігранты нелегальна перайшлі мяжу Беларусі і Літвы, а адтуль прыехалі на тэрыторыю Польшчы.