У Польшчы 22-гадовы беларус на БМВ выехаў на рэйкі пад цягнік, які рухаўся
![БМВ трапіў пад цягнік / nowydwor.policja.gov.pl](/sites/default/files/styles/gallery_main/public/2023-08/polska-1901.jpg.webp?itok=EeB40PDL)
БМВ трапіў пад цягнік / nowydwor.policja.gov.pl
У Мазавецкім ваяводстве Польшчы пад цягнік трапіла машына, якой кіраваў беларус, паведамляе прэс-служба мясцовай паліцыі.
Аварыя здарылася яшчэ 13 студзеня. Паліцыя кажа, што беларус на БМВ ехаў на вялікай хуткасці і не справіўся з кіраваннем. Аўтамабіль пайшоў у занос і зваліўся з разгрузачнай рампы проста на рэйкі. Кіроўца заўважыў, што на яго ідзе цягнік, выскачыў з салона і ўцёк.
Машыніст экстрана затармазіў, але не змог пазбегнуць удару. У цягніку Варшава Гданьска-Насельск ехалі 30 пасажыраў, яны пры здарэнні не пацярпелі.
Неўзабаве паліцыянты высветлілі, хто кіраваў аўтамабілем. Затрымалі яго па месцы жыхарства. Малады чалавек сказаў, што вяртаўся з крамы, дзе купляў алкаголь. Ехаў з хуткасцю каля 130 км/гадз. Ён дадаў, што пасля здарэння спалохаўся і ўцёк дадому.
Паліцыянты праверылі беларуса — алкатэстар паказаў 1,8 праміле. Пазней высветлілася, што раней суд ужо забараніў яму на тры гады кіраваць транспартам. Цяпер нашаму суайчынніку пагражае да 5 гадоў пазбаўлення волі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.