У Оршы пенсіянер паліваў інфакіёск вадой (відэа)

У Оршы пенсіянер паліваў інфакіёск вадой (відэа)

У Оршы пенсіянер паліваў у гасцініцы інфакіёск аднаго з банкаў вадой. Знайсці зламысніка было не складана — яго дзеянні трапілі на відэа. 72-гадовы мясцовы жыхар неаднаразова падыходзіў да інфакіёска з пластыкавай бутэлькай і адыходзіў, калі хтосьці заходзіў у памяшканне. Інфакіёск ён змог сапсаваць, інфармуе прэс-служба УУС Віцебскага аблвыканкама.

Пасля затрымання мужчына адмаўляў сваю віну, сцвярджаў, што падыходзіў да інфакіёска, каб... зняць грошы. Калі ж гэта зрабіў, сышоў. У дачыненні пенсіянера распачалі крымінальную справу, артыкул — "Наўмыснае знішчэнне або пашкоджанне маёмасці". Пра тое, што стала прычынай "помсты" мужчыны інфакіёску, пакуль невядома.

Апошнія навіны

Галоўнае

Выбар рэдакцыі