У Оршы легкавік збіў пешахода на “зебры”(фота)
![У Оршы легкавік збіў пешахода на “зебры”(фота)](/sites/default/files/styles/gallery_main/public/2023-08/orsha_dtz.jpg.webp?itok=9PutiLgm)
У Оршы легкавік КІА, за рулём якога быў кіроўца 1964 года нараджэння, збіў пешахода. Як паведамляе Віцебская абласная ДАІ на сваёй старонцы Вконтакте, здарэнне адбылося ў абед у пятніцу на вуліцы Леніна.
Кіроўца збіў пешахода 1945 года нараджэння, які пераходзіў дарогу па нерэгуляваным пераходзе. Пацярпелы атрымаў траўмы рознай ступені цяжкасці і быў дастаўлены ў траўматалагічнае аддзяленне лякарні.
Па факце здарэння праводзіцца праверка.