У Оршы адбыўся выбух у кватэры, пацярпеў чалавек (фота)
У вокнах было выбітае шкло. Мяркуецца, што адбыўся выбух газапаветранай сумесі на кухні.
У Оршы на вуліцы 60 гадоў БССР адбыўся выбух у аднапакаёвай кватэры шматпавярховіка. Здарэнне адбылося ў другой палове дня 8 чэрвеня на трэцім паверху.
У той момант у кватэры знаходзіўся толькі гаспадар (сваякі былі на лецішчы). Яго шпіталізавалі з тэрмічнымі апёкамі 1-3 ступені 40% цела.
Як адзначае прэс-служба МНС, у вокнах было выбітае шкло. Эвакуацыя жыхароў не спатрэбілася. Мяркуецца, што адбыўся выбух газапаветранай сумесі на кухні.
Фота: МНС