Вы тут

У Непале затрымалі беларусаў, якія везлі ў Ганконг 6 кг какаіну

Аліна Алдошына і Павел Васільеў крайнія злева / ncb.nepalpolice.gov.np

У Непале затрымалі беларусаў з 6 кг какаіну. Наркотык быў схаваны ў падкладках зімовых куртак. Здарэнне адбылося 21 снежня ў Міжнародным аэрапорце Катманду. Вядома, што затрыманыя беларускія грамадзяне — гэта 21-гадовыя Аліна Алдошына і Павел Васільеў. Яны прыляцелі з Беларусі праз Турцыю.

Маладыя людзі прызналіся, што атрымалі какаін ад балівійцаў, якія прыляцелі ў Непал на два дні раней з Бразіліі праз Эфіёпію і Індыю. Перадача адбылася ў гатэлі. Наркотык планавалі даставіць у Ганконг, аднак яго знайшлі падчас рэнтгенаўскай праверкі багажу ў аэрапорце.
 
У Непале за перавозку наркотыкаў пагражае турэмнае зняволенне, у некаторых выпадках — пажыццёвае.

ncb.nepalpolice.gov.np
ncb.nepalpolice.gov.np
ncb.nepalpolice.gov.np

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.