Вы тут

У музей Янкі Купалы прызначылі новую дырэктарку — з музея Вялікай Айчыннай

Ганна Галінская і міністр культуры Анатоль Маркевіч / sb.by

Музей Янкі Купалы ўзначаліла Ганна Галінская. Калектыву музея новую дырэктарку прадстаўляў міністр культуры Анатоль Маркевіч.

Да новага прызначэння Галінская больш за 20 гадоў адпрацавала ў Беларускім дзяржаўным музеі Вялікай Айчыннай вайны. У апошнія гады яна займала пасаду намесніцыка дырэктара па навуковай рабоце.

Як распавядала Еўрарадыё, папярэдняй дырэктаркай была Алена Ляшковіч, якая працавала на гэтай пасадзе з 2007 года. На пачатку студзеня 2022 года яе звольнілі. Прычынай неафіцыйна называлася тое, што яна адмовілася звальняць сваіх супрацоўнікаў па палітычных матывах. 

Па словах Маркевіча, агулам з дзяржаўных устаноў культуры за "палітыку" былі звольненыя больш за 300 чалавек.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.