Вы тут

У Мінску жанчына не давала камунальнікам спілаваць дрэва, выклікалі АМАП

Калі камунальнікам перашкаджаюць пілаваць дрэвы, яны выклікаюць АМАП / Ілюстрацыйнае фота pixabay.com

У Мінску жанчына не давала камунальнікам спілаваць дрэва, выклікалі АМАП. Як паведамляюць праваабаронцы, здарэнне адбылося ў пятніцу ў двары дома па вуліцы Гарадскі вал, 1 (а гэта цэнтр сталіцы, недалёка ад будынкаў МУС і КДБ). Мясцовая жыхарка спрабавала абараніць дрэва, але была затрыманая амапаўцамі. Дзе знаходзіцца жанчына, пакуль невядома.

Падобная гісторыя адбылася ў снежні 2021-га на ПІншчыне, дзе вяскоўцы абаранялі 300-гадовыя дубы, якія збіраліся спілаваць. Таксама для "навядзення парадку" і затрымання актыўнага ўдзельніка акцыі выклікалі АМАП.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.