У Мінску затрымалі журналіста Радыё Свабода Алега Груздзіловіча (фота)
![У Мінску затрымалі журналіста Радыё Свабода Алега Груздзіловіча (фота)](/sites/default/files/styles/gallery_main/public/2023-08/gruzdilovich.jpg.webp?itok=zm8vW47q)
У Мінску затрымалі журналіста Радыё Свабода Алега Груздзіловіча. За тое, што ён... зайшоў на праезную частку праспекта Незалежнасці, на якім рух транспарту ў гэты час быў абмежаваны (спецтэхніка каля гадзіны палівала асфальт вадой). Адбылося гэта падчас несанкцыянаванай акцыі "Праспект нацыянальнага сцягу", якая прайшла 14 траўня ў раёне Кастрычніцкай плошчы. Журналіст фатаграфаў момант, як камунальнікі здымалі з флагштоку бел-чырвона-белы сцяг.
Супрацоўнік ДАІ падышоў да Груздзіловіча каля ўваходу ў падземны пераход недалёка ад станцыі метро "Кастрычніцкая", праверыў яго акрэдытацыю ў МЗС Беларусі, пашпарт ды прапанаваў праехаць разам з ім для разбіральніцтва.
Груздзіловіча адвезлі да гатэля "Еўропа", дзе на яго складаюць пратакол за парушэнне правілаў дарожнага руху і выпісваюць штраф, інфармуе Радыё Свабода.
![У Мінску затрымалі журналіста Радыё Свабода Алега Груздзіловіча (фота)](/sites/default/files/paragraphs/image/30028a05-3a2a-4f1a-a942-4475443cb65dw640r1s.jpg)