У Мінску затрымалі школьнікаў — кінулі ў Вечны агонь сурвэткі і жавальную гумку
![На плошчы Перамогі ў Мінску](/sites/default/files/styles/gallery_main/public/2024-05/6ec0f68608a3df8ad5d9b749cba4ec14.jpg.webp?itok=JGqSNYtj)
На плошчы Перамогі ў Мінску / sb.by
У Мінску затрымалі двух школьнікаў, якія кінулі ў Вечны агонь на плошчы Перамогі сурвэткі і жавальную гумку. У пракуратуры сцвярджаюць, што яны яшчэ і плявалі. Супраць юнакоў распачалі крымінальную справу за "злоснае хуліганства". Вучням 9-га класа пагражаюць арыштам, абмежаваннем волі (да трох гадоў) ці пазбаўленнем волі (ад 1 года да 6 гадоў), паведамляе minsknews.by.
Дзеянні школьнікаў кваліфікавалі, як "наўмысныя дзеянні, якія груба парушаюць грамадскі парадак і выказваюць відавочную непавагу да грамадства, адрозніваюцца па сваім змесце выключным цынізмам, учыненыя групай асоб". Праводзіцца папярэдняе расследаванне.
![У Мінску затрымалі школьнікаў — кінулі ў Вечны агонь сурвэткі і жавальную гумку](/sites/default/files/styles/default_image_paragraph/public/paragraphs/image/1231.jpg.webp?itok=q6Rg7npf)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.