У Мінску разагналі традыцыйную акцыю Салідарнасці

Традыцыйную акцыю Салідарнасці спрабавалі правесці ўвечары 16 ліпеня ў Мінску актывісты дэмакратычнага руху. Акцыі праводзяцца 16-га чысла кожнага месяца ў знак салідарнасці з палітвязнямі.  У дадзены момант гаворка ішла пра салідарнасць з ваўкавыскімі прадпрымальнікамі Мікалаем Аўтуховічам, Юрыем Лявонавым і Ўладзімірам Асіпенкам, маладафронтаўцам Арцёмам Дубскім.

Аднак ужо на самым пачатку міліцыянтамі былі затрыманыя каля 30 чалавек, якія мелі намер узяць удзел у акцыі. Іх адвезлі ў пастарунак, дзе Артур Фінькевіч быў збіты. Як паведамляе "Наша ніва", усіх затрыманых адпусцілі без складання пратаколаў.