У Мінску распрацоўваецца новая схема руху транспарта ў цэнтры горада

Сёлета ў Мінску распачата распрацоўка комплекснай схемы арганізацыі руху, накіраванай на паляпшэнне руху транспарта і пешаходаў у цэнтральнай частцы горада.
Пра гэта паведаміў начальнік аддзялення арганізацыі дарожнага руху ўпраўлення ДАІ Яўген Каспіровіч.

Паводле яго слоў, у новай схеме будзе прадугледжана будаўніцтва парковак, паляпшэнне руху грамадскага транспарта, развіццё вулічна-дарожнай сеткі, а таксама ўдасканаленне кіравання транспартнымі патокамі пры дапамозе светлафораў.

Распрацоўка такога дакумента завершыцца ў 2007-2008 гадах.

БЕЛТА