У Мінску прыспусцілі сцяг на будынку Адміністрацыі прэзідэнта (фота)
Сцягі прыспусцілі таксама на будынках Вайсковай акадэміі, Мінгарвыканкама і іншых ведамстваў у знак жалобы з нагоды смерці Уга Чавеса.
У Беларусі, магчыма, аб’явяць трохдзённую жалобу з-за смерці Чавеса
Афіцыйнае паведамленне аб смерці венесуэльскага лідара Уга Чавеса засмуціла яго беларускіх сяброў і партнёраў.
Раніцай шостага сакавіка дзяржаўны сцяг РБ прыспусцілі на будынку галоўнага корпуса Вайсковай акадэміі. У гэтай установе навучаюцца дзясяткі курсантаў з Венесуэлы.
На будынку інтэрната, дзе жывуць венесуэльцы, прыкметаў жалобы а 12-й гадзіне не было заўважана.
Прыспушчаны сцяг і на будынку Адміністрацыі прэзідэнта. Аляксандр Лукашэнка і Уга Чавес афішавалі сваё сяброўства. Яны неаднаразова ездзілі з афіцыйнымі візітамі ў сяброўскія краіны. 
Сляды жалобы заўважныя і на будынку Мінгарвыканкама ― сцяг прыспушчаны. 
А вось на будынку Дома ўрада сцяг калі і прыспушчаны, то на лічаныя дэцыметры. Зрэшты афіцыйна жалоба з нагоды смерці Уга Чавеса пакуль не абвешчана.
