У Мінску міліцыя шукае тэлефоннага тэрарыста
У пятніцу ён "замініраваў" бізнес-цэнтр "Вэлком", былі эвакуяваныя 100 чалавек.
Мінская міліцыя шукае невядомага, які ў пятніцу каля 18-й гадзіны паведаміў пра выбуховае прыстасаванне ў будынку бізнес-цэнтра "Вэлком" на вуліцы Інтэрнацыянальнай. Як паведамляла Еўрарадыё, былі эвакуяваныя 100 чалавек, 10-павярховы будынак ачапілі міліцыянеры і АМАПаўцы, перакрылі і вуліцу. На месцы працавалі сапёры, якія нічога падазронага не знайшлі.
Як інфармуе тэлеканал "Беларусь 1", аператыўнікі спрабуюць устанавіць асобу тэлефоннага тэрарыста.
