У Мінску брутальна затрымалі галоўнага спецыяліста з Мінадукацыі
![Сяргей Навумчык пасля затрымання / Фота з тг-канала сілавікоў](/sites/default/files/styles/gallery_main/public/2023-08/GSp.jpg.webp?itok=nj7PKn7f)
Сяргей Навумчык пасля затрымання / Фота з тг-канала сілавікоў
У Мінску брутальна затрымалі галоўнага спецыяліста з Міністэрства адукацыі Беларусі 35-гадовага Сяргея Навумчыка. Яго абвінавачваюць у "зліве" даных у "Чорную кнігу Беларусі" (згадваюцца персанальныя звесткі некалькіх суддзяў). Фота і відэа ў пятніцу з'явілася ў тг-каналах сілавікоў. Навумчыка там называюць "радыкалам", які дагэтуль працаваў у дзяржаўных органах.
Сцвярджаецца, што Навумчык змяшчаў у "экстрэмісцкіх" чатах каментары з заклікамі да сілавога супраціву міліцыі. Распачатыя крымінальныя справы па артыкулах аб "распальванні варожасці" і "незаконных дзеяннях з персанальнымі данымі".
Тэлеграм-канал "Чорная кніга Беларусі" спецыялізаваўся на публікацыі асабістых даных сілавікоў і прадстаўнікоў уладаў РБ, датычных да рэпрэсій. Нядаўна высветлілася, што працяглы час у адміністрацыі канала быў супрацоўнік ГУБАЗіК.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.