У Мінску амапаўцы штурмавалі кватэру, у якой мужчына з нажом пагражаў жанчыне

Раніцай 21 жніўня ў Мінску ў шматпавярховым доме па вуліцы Крапоткіна амапаўцы штурмавалі кватэру, у якой мужчына з нажом пагражаў жанчыне. Міліцыю выклікалі суседзі, якія распавялі пра гукі бойкі і крыкі аб дапамозе. Як інфармуе ў Telegram прэс-служба МУС, 29-гадовы мужчына размаўляць з сілавікамі адмовіўся. Тады два байцы па лесвіцы падняліся на балкон трэцяга паверха і затрымалі зламысніка. Пры гэтым жанчына не пацярпела. На месцы працуе следча-аператыўная група.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.