БРСМаўкі ў вышыванках і каша з "Камуналкі" на выставе "СМІ ў Беларусі" (фота)
У Мінску 2-4 траўня праходзіць традыцыйная штогадовая выстава "СМІ ў Беларусі". Яна ладзіцца ў выстаўным цэнтры “БелЭкспа” (праспект Пераможцаў, 14).
Адкрыў выставу міністр інфармацыі Аляксандр Карлюкевіч. На цырымоніі прысутнічалі таксама іншыя высокапастаўленыя чыноўнікі.
Сёлета ў працы выставы ўпершыню ўдзельнічае Беларуская асацыяцыя журналістаў. Дарэчы, 2 траўня ў 16:00 на гэтым стэндзе пачнецца квіз ад галоўнага рэдактара Еўрарадыё Паўла Свярдлова.
