У "Мінсктрансе" патлумачылі, чаму спыняўся рух тралейбусаў
У "Мінсктрансе" патлумачылі, чаму ў другой палове дня 25 студзеня часткова спыняўся рух тралейбусаў. "З-за прабоя ізаляцыі на спецчастках кантактнай сеткі адбываецца кароткае замыканне, — кажа яго прадстаўнік Віктар Дамарад. — Гэта з'яўляецца следствам ссядання пароў солі з-за багатага пасыпання праезнай часткі антыгалалёдным рэагентам".
Праблемы ўзніклі ў аўторак на праспекце Дзяржынскага, дзе якраз была пашкоджана кантактная сетка і спыняліся тралейбусы. А каля станцыі метро "Пятроўшчына" іскрыліся тралейбусныя драты. Як паведамляе "Мінсктранс", рух там быў адноўлены да 21-й гадзіны.
З-за адключэння напружання на кантактнай сетцы тралейбусы спыняліся і ў іншых раёнах сталіцы. У 21:37 гэта адбылося на Арлоўскай вуліцы і праспекце Пушкіна (у абодвух накірунках). Рух аднавілі ў 22:06.
