У Беларусі — праблемы з аплатай праз банкаўскія карткі
31 траўня ў мінскім метро немагчыма аплаціць праезд банкаўскімі карткамі. Прэс-служба метрапалітэна заяўляе пра тэхнічныя праблемы банкаўскай сістэмы.
Таксама валідатары могуць не спрацоўваць пры бескантактавай аплаце на турнікетах.
Тым часам Банкаўскі працэсінгавы цэнтр паведаміў, што ў яго з'явілася "праблема, звязаная з частковай непрацаздольнасцю праграмна-тэхнічнага комплексу".
Чытачы Еўрарадыё паведамляюць, што ў іх узніклі праблемы з аплатай карткай праз тэрміналы і банкаматы "Беларусбанка".
