У мінскіх перамовах па Данбасе прыме ўдзел дзейны старшыня АБСЕ
Пасяджэнне Кантактнай групы пачнецца а 16-й гадзіне.
21 ліпеня ў Мінску пройдзе чарговае пасяджэнне Кантактнай групы па Данбасе. Яно пачнецца а 16-й гадзіне. Пра гэта паведамляе УНІАН са спасылкай на Дар'ю Аліфер — прэс-сакратара прадстаўніка Украіны ў групе Леаніда Кучмы.
Паведамляецца, што ў пасяджэнні прыме ўдзел дзейны старшыня АБСЕ, міністр замежных спраў Сербіі Івіца Дачыч.
У планах абмеркавання — вынікі сустрэч рабочых падгруп па бяспецы, гуманітарных, палітычных і эканамічных пытаннях.
Папярэднія кансультацыі Трохбаковай кантактнай групы па ўрэгуляванні сітуацыі ва Украіне прайшлі 7 ліпеня.
Фота: osce.org
