У Мазыры падчас чэмпіянату лесасекаў прайшоў конкурс кідання сякеры

У Мазыры завяршыўся адкрыты чэмпіянат Беларусі “Лесасек-2007”. Спаборніцтвы праходзілі на стадыёне “Палессе”.  У іх узялі ўдзел больш за 50 майстроў пілы і сякеры з Беларусі,
Украіны, Літвы і Расіі. Ім давялося прадэманстраваць сваё майстэрства
валодання сякерай і бензапілой.

У камандным заліку перамаглі лесасекі Мінскага вытворчага
лесагаспадарчага аб’яднання. На другім месцы – віцебскія лесасекі, на
трэцім – магілёўскія. А ў асабістым заліку ўсе пераможцы – майстры з
Мінскай вобласці.

Для нешматлікіх гледачоў, якіх не спалохаў дождж, быў
арганізаваны конкурс кідання сякеры.

Наступны чэмпіянат лесасекаў плануецца правесці ў Мінскай вобласці.


Беларускія навіны