У Мазыры назіральніцу пазбавілі акрэдытацыі і выклікалі ў міліцыю
У першы ж дзень датэрміновага галасавання, 22 лютага, у Мазыры назіральніцу Алену Шаціла пазбавілі акрэдытацыі, паведамляюць праваабаронцы.
Яна была зарэгістраваная на ўчастку для галасавання №15. Ён размяшчаецца ў памяшканні філіяла "Мазырская нафтаразведачная экспедыцыя глыбокага свідравання" РУП "Навукова-вытворчы цэнтр па геалогіі".
Алену Шаціла выклікалі ў аддзяленне міліцыі, пасля чаго сувязь з ёй знікла.
