У Мастах выкладчыцу сальфеджыа аштрафавалі за рэпост 2019 года

У Мастах выкладчыцу сальфеджыа аштрафавалі за рэпост 2019 года

У Мастах 19 студзеня прайшоў суд над выкладчыцай сальфеджыа і музычнай літаратуры мясцовай Дзіцячай школы мастацтваў Галінай Цярэнцьевай, паведамляюць праваабаронцы. 

Жанчыну затрымалі 16 снежня проста на працы. Суткі пасля затрымання яна правяла ў камеры мясцовага РАУСа. Дома ў выкладчыцы адбыўся ператрус, падчас якога канфіскавалі ноўтбук, тэлефон і робат-пыласос.

Прычынай стаў рэпост у сацсетках матэрыяла "Б*лсата", які Цярэнцьева зрабіла ў 2019 годзе. На яе склалі пратакол паводле арт. 19.11 КаАП (распаўсюд экстрэмісцкіх матэрыялаў). 

Суд Мастоўскага раёна аштрафаваў выкладчыцу на 640 рублёў (20 базавых велічыняў).

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі